الفاونديشن هو من احدى خطوات المكياج الاساسية، حتى ينطيج نتيجة مكياج مناسب ومتساوي، يستخدم على كل الوجه، هذا المنتج وعلى حسب رغبتج يكدر:
يوحد لون البشرة
يخفي العيوب
يعدل لون البشرة
اول شي على شنو تعتمد هذه الانواع؟
تعتمد على التغطيه المرغوب بيها، على الكوالتي، على النتيجة الي تريديها، وبهذا راح نحجيلج عن الانواع الموجوده من الفاونديشن:
الفاونديشن السائل (لیکوید)
اكثر الفاونديشن استعمالاً، يكون قوامه على حسب اسمه (سائل) وممكن يجي بعده تغطيات ، وباكثر من نوع يلائم البشرة الخاصه بالشخص (الجافة-الدهنية-المختلطة)
الفاونديشن الكريمي
هذا النوع يكون قوامه كريمي اكثر، اثخن، يناسب الاشخاص الي بشرتهم جافة
باودر فاونديشن
هذا النوع جداً مناسب للاشخاص الي بشرتهم دهنية، واذا بشرتج هيج ممكن راح تغيرين رأيج تماماً وتحولين للباودر فاونديشن، هذا النوع راح ينطيج تغطيه خفيفة الى متوسطة، وتكدرين تكثرين الطبقات للحصول على تغطية عالية
سيروم فاونديشن
هذا ممكن نكدر نكول عليه يعتبر سكن كير ومكياج، يجي على هيئة سيروم ويكون قوامه كيرمي، ممكن يتعرف عليه ك بيبي كريم او سيسي كريم
الفاونديشن المائي (واتر)
هذا الفاونديشن يكون اساسه مائي (بما يعنيه المواد المصنوع منها) ، هذا يعتبر ملائم جداً للبشرة التي تحتوي على حب الشباب ، وبهذا الفاونديشن يكون اول المقادير المستخدمه لتصنيعه هو الماء ، بدلاً من الزيووت
فيلفت فاونديشن
هذا يكون قوامه فيلفت يعني مثل (القديفة) يكون ما بين الكريمي والسائل غالباً ما تغطيته عالية وبي عده انواع تناسب البشرة الجافة والدهنية والمختلطة
خاتمة:
يعد اختيار كريم الأساس المناسب للون بشرتك أمرًا ضروريًا للحصول على لمسة نهائية خالية من العيوب. نأمل أن تتمكني من اختيار أفضل كريم أساس لنوع بشرتك بعد قراءة هذا المنشور
شرح وافي حبيت
شكرا 🙏🏻
زيسي باودر وفاونديشن عندي يجننون 🫶🫶🫶🥹💕💕💕
حبيت هاي الفقرات جديدة 🧿🫶🫶🫶كل التوفيق
حلو حبيت ما چنت اعرف بهل معلومات شكرا 🤍