الوان فاتِنه، تغييرات مبهرة، درجات رائعة، و هواية اختيارات لمن يجي الموضوع عن احمر الشفاه او (الروج) ! الدرجات الي بيها كليتر، درجات المات، او التنت، او الگلوس، الخ.. وكل وحده منهم قوامها مختلف عن الثانية ومتميزة بجمالها الخآص. واحمر الشفاه هو امتداد للمكياج المثالي اكيد وميكمل اللوك النهائي بدونه. هناك ٨ نوع من انواع احمر الشفاه كل فتاة او امراءة لازم يكون عدها منهم!
اول شي لازم نعرف شنو الاشياء الي نخليها بنضر الاعتبار لمن نريد نجي نشتري احمر شفاه ؟
العمر الافتراضي للمنتج
اشتري الدرجات الي تناسب بشرتج
اشتري لون احمر الشفاه حسب حاجتك
ابتعدي عن شراء الوان مشابهه
اشتري منتجات ممتازة الجودة (كوالتي عالي)
هذه انواع احمر الشفاه المتوفرة في متجر بينكش حالياً، راح يشرح الكم شنو معناة كل وحدة:
احمر شفاه سائل (مات)
هذا النوع من احمر الشفاه يفوز بأكثر لون شائع في السنوات الحالية، دائماً يجي بعلبه تحتوي على المادة ويجي وياه الابلكيتر (فرشة وضع الحمره) الكثير من النساء ينضرون اله لانه سهل الاستخدام، ثباتيه عاليه، ميتحرك من مكانه، ومينتقل بسهولة، وثباتيتهم الممتازة تخليهم يبقون حتى اثناء وبعد الاكل، ومتوفرين بكل لون ممكن يخطر ببالكم.
احمر شفاه گلوس (لامع)
قوامها گلوسي (لامع) توفر للشخص الي مستخدمه مضهر جذاب ولامع للشفاه ومضهر صحي وممتلئ ايضاً بحيث واحد ميكدر يفوت فرصة يشتري هيج منتج ينطون نضارة مبهرة للوجه ومناسبه للمكياج اليومي وتكدرون تستخدمون الگلوس فوق الحمره المات حتى تكملون اللوك مالتكم.
احمر شفاه مخملي (فيلفيت)
بعد معبرنا المرحلة التقليدية من احمر الشفاه المات الي يناسب كلشي من لوك يومي او مناسبات هسه عدنا هذا الروج يكون ملمسه مخملي وخفيف على الشفاه بنفس الوقت تكدرون تستخدموه اذا كنتوا تعانون من جفاف بالشفاه وهو نفس اسلوب الحمره المات ثباتيته عالية، ميتحرك من مكانه، ومتوفر بجميع الالوان الي ممكن تخطر على بالكم.
احمر شفاه كريمي (ستيك)
وهو احمر الشفاه التقليدي الي كلكم تعرفو ومحد يكدر يستغني عنه طول سنين معرفه الميكب يوم عن يوم تنزل فورميلا جديدة ويصير قوامه اضبط، ونعتبره اكثر ستايل حمره جذاب للنظر بكل وقت ، متوفر بكل لون ممكن يخطر ع البال ومدته ثباتيته طويله جداً.
احمر شفاة طيني (كلاي)
قوام هذا النوع من احمر الشفاة يكون باودري وضد التحرك وثابت ميطبع، ويكون شعوره حريري وخفيف ع الشفة توزيعه كلش سهل وسلس ع الشفة بدون متستخدمون هوايه من المنتج يخفون الخطوط الرفيعة ويرطبون الشفة.
تنت الكريمي (ليب تنت)
هذه النوع هي تشبه نوع الحمر المات لكن يجي قوامها كريمي وتخلوها بواسطه فرشة لونها يكون ثابت ويصل ثباتيته لحد ٦ ساعات ، تنطيج نفس ثباتيته وتركيز لون الحمره المات لكن بطريقة ناعمة ولطيفة، اختيار جداً موفق للميكب اليومي لمن تريدين تضيفين شويه لون بارز، مناسب هذا النوع من الروج للشفاه الصغيرة بكونه يعطي مضهر ممتلئ اكثر للشفاه.
التنت المائي (واتر)
التنت المائي يكون شي خفيف ع الشفة ويومي ولطيف ينطيهه لون حيوي ويرطب الشفة بنفس الوقت مناسب لايام الميكب الخفيف واليومي والدوام وضروري يكون يم عند كل بنيه لان كلش يفيد وممكن يستخدم ك بلشر سائل ع الخدود.
زيت الشفاه
مضهر لامع جذاب للشفة مع ترطيب عميق ومعالجه الجفاف والتشقق للشفة ينطي مضهر ممتلئ للشفة كذلك وكلش حلو لايام السكن كير والدوام والميكب اليومي.
🥰😇🥰😇🥰😇
❤️
يخبلن
عندي الطيني ومدا اكدر استغني عنه حرفيًا 🥹🤍
وصيت راح اجرب وانطي رأيي